Cyfres o weminarau i roi cyfle i ddysgwyr drafod eu pwnc trwy gyfrwng y Gymraeg. Trafodwyd y canlynol gan unigolion o nifer o fusnesau a sefydliadau.
Mae modd gwylio'r sesiynau â recordiwyd isod.
Dim yn gweld beth rydych chi eisiau? Problem gyda'r ffeiliau? Oes gennych awgrym? Anfonwch eich adborth i ni.
Cyflwyniad gan Dr Paula Roberts ar sut mae ynni adnewyddol fod o fudd i ffermwyr a chymunedau cefn gwlad Cymru. Mae Paula yn esbonio manteisio ynni solar, hydro, gwynt, ac ailgylchu er mwyn arbed arian i fusnesau amaethyddol a chreu incwm drwy werthu ynni i'r Grid Cenedlaethol. Mae Paula yn gyn-ddarlithydd ym Mhrifysgol Bangor a bellach yn gadeirydd cwmni nid-er-elw, 'Ynni Cymru'.
Cyflwyniad gan Dr Robert Bowen o Adran Fusnes Prifysgol Caerdydd, ar sut mae, a sut gall, y sector bwyd ac amaeth yng Nghymru fanteisio ar farchnata eu cynnyrch. Mae'r cyflwyniad yn edrych ar y cyd-destun, heriau, arloesedd, ac entrepreneuriaeth yn y maes gan gynnwys enghreifftiau. Mae'n ystyried heriau megis Deallusrwydd Artiffisial, a'r angen i gynnig gwerth ychwanegol i'r cynnyrch.
Ydych chi’n arwain neu’n darlithio ar y cwrs TAR AHO (Tystysgrif Ôl-raddedig mewn Addysg, Addysg a Hyfforddiant Ôl-orfodol)? Oes gennych chi fyfyrwyr sy’n siarad Cymraeg ac sy’n awyddus i ddefnyddio’r Gymraeg yn eu gyrfaoedd yn y dyfodol? Os felly, mae’r adnodd hwn wedi’i gynllunio i’ch cefnogi chi. Mae’r gyfres yn cynnwys chwe fideo sy’n cynnwys aelodau staff sy’n addysgu’n ddwyieithog yn y sector addysg bellach a phrentisiaethau, ac sydd wedi cwblhau’r cwrs TAR AHO yn ddiweddar. Mae’r fideos hyn yn cynnig mewnwelediadau gwerthfawr i’w profiadau, ynghyd â chynghorion ymarferol ac enghreifftiau o arfer da y gellir eu rhannu gyda’ch myfyrwyr wrth iddynt baratoi i fynd i weithio yn y sector. Mae yna hefyd Becyn Rhannu Arfer Da, sy'n cynnig arfer da ac arloesol i chi annog a chefnogi myfyrwyr TAR i ddefnyddio eu sgiliau iaith Gymraeg.
Mae'r casgliad hwn yn cynnwys chwech pecyn e-ddysgu ar y meysydd canlynol: Busnes o fewn y Diwydiannau Creadigol Celf a Dylunio o fewn y Diwydiannau Creadigol Cyfathrebu ac ymchwil ym maes y Cyfryngau Creadigol Archwilio’r Celfyddydau Perfformio ac Ymarfer Proffesiynol Llwybrau Gyrfa a chyfleoedd o fewn y Diwydiannau Creadigol yng Nghymru Y diwydiant cerddoriaeth ac ymarfer proffesiynol Mae'r pecynnau yn addas ar gyfer dysgwyr sy'n astudio'r cymwysterau perthnasol ar lefelau 2 a 3 mewn colegau addysg bellach.
Cwblhewch y wybodaeth isod er mwyn derbyn hysbysiadau pan fydd adnoddau newydd yn cael eu hychwanegu.