Mae’r geiriadur Cymraeg-Ffrangeg / Ffrangeg- Cymraeg ar-lein yn addas ar gyfer myfyrwyr sy’n astudio tuag at radd yn y pwnc, yn ogystal â myfyrwyr Safon Uwch a gweithwyr proffesiynol. Er mai’r brif gynulleidfa yw myfyrwyr Safon Uwch ac Addysg Uwch, bydd y geiriadur cyfoes hwn ar gael ac yn ddefnyddiol i unrhyw gynulleidfa gyhoeddus sydd â diddordeb mewn Cymraeg, Ffrangeg ac ieithoedd yn gyffredinol.  Diolch i CAA a Llywodraeth Cymru am y gefnogaeth wrth fynd ati i addasu a diweddaru’r geiriadur gwreiddiol a’i ddarparu bellach yn ddigidol.

Cyflwyniad i Farchnata yw’r gwerslyfr Cymraeg cyntaf erioed ym maes marchnata. Mae wedi ei gynllunio i fod o gymorth i fyfyrwyr sy’n astudio Busnes, Rheolaeth, Cyfathrebu a Marchnata yn y brifysgol neu’r coleg, ynghyd ag ar gyfer defnydd ymarferol gan fusnesau ac ymarferwyr cyfathrebu a marchnata mewn sefydliadau gwirfoddol a chyhoeddus.  Mae’n cynnwys nifer o elfennau rhyngweithiol ac amlgyffwrdd a gellir ei ddefnyddio ar gyfrifiaduron, tabledi a ffonau clyfar.  

Dyma gyfres o bosteri sy'n cynnwys geirfa allweddol dwyieithog i gefnogi'r cwrs Lefel 2 Gofal, Chwarae, Dysgu a Datblygiad Plant: Craidd. Mae poster geirfa unigol ar gyfer y 5 uned: Uned 1: Egwyddorion a Gwerthoedd Gofal, Chwarae, Dysgu a Datblygiad Plant (0-19 oed) Uned 2: Iechyd, Llesiant, Dysgu a Datblygiad Uned 3: Ymarfer Proffesiynol fel Gweithiwr Blynyddoedd Cynnar a Gofal Plant Uned 4: Diogelu Plant Uned 5: Iechyd a Diogelwch mewn Gofal, Chwarae, Dysgu a Datblygiad Plant      

Dyma gyfres o bosteri sy'n cynnwys geirfa allweddol dwyieithog i gefnogi'r cwrs Iechyd a Gofal  Cymdeithasol: Craidd Lefel 2. Mae'r geirfa wedi eu grwpio i gyfateb â lefel sgiliau iaith y dysgwr. Mae poster geirfa unigol ar gyfer y 7 uned: Uned 1: Egwyddorion a gwerthoedd iechyd a gofal cymdeithasol (oedolion)) Uned 2: Egwyddorion a gwerthoedd iechyd a gofal cymdeithasol (plant a phobl ifanc) Uned 3: Iechyd a llesiant (oedolion) Uned 4: Iechyd a llesiant (plant a phobl ifanc) Uned 5: Ymarfer proffesiynol fel gweithiwr iechyd a gofal cymdeithasol Uned 6: Diogelu unigolion Uned 7: Iechyd a diogelwch mewn iechyd a gofal cymdeithasol

Amcanion y gweithdy hwn yw: Deall pwy yw’r tiwtor personol? Cyflwyno rhai o brif egwyddorion tiwtora personol Ystyried y gefnogaeth sydd ar gael i diwtoriaid personol ar lefel leol (e.e. yn eich Ysgol / Adran) ac yn y sefydliad Cynnwys: Mae tiwtora personol yn ganolog i brofiadau myfyrwyr ac mae rhaglenni tiwtora personol yn cynnig cyfleoedd i fyfyrwyr dderbyn arweiniad, cyngor a chymorth ar bob math o bethau yn ystod eu taith academaidd yn y brifysgol. Mae taith pob unigolyn yn un wahanol ac mae disgwyl i raglenni tiwtora personol ddiwallu anghenion gwahanol fathau o fyfyrwyr ynghyd ag ymateb i brosesau a gweithdrefnau ar lefel sefydliadol. Mae’r gweithdy hwn yn cynnig cyfle i ystyried rhai o’r prif egwyddorion sydd wrth wraidd rôl y tiwtor personol gan gyfeirio at rai disgwyliadau a chamau ymarferol y gall y tiwtor eu cymhwyso i’w rôl. Ar ddiwedd y gweithdy hwn dylai hyfforddeion fod yn gallu: Diffinio rhai o brif nodweddion rôl y tiwtor personol Adnabod yr hyn y mae angen i diwtoriaid personol ei ystyried wrth diwtora Ystyried ffyrdd i gefnogi myfyrwyr mewn gwahanol sefyllfaoedd a chyd-destunau Ystyried ffyrdd i deilwra sesiynau tiwtora er mwyn diwallu anghenion Ystyried pwysigrwydd rhwydweithio a chreu partneriaeth â myfyrwyr er mwyn datblygu dulliau tiwtora effeithiol Ystyried ffyrdd y gall myfyrwyr gyfrannu at y broses diwtora Adnabod yr hyn sydd ar gael i gefnogi tiwtoriaid personol   Cyflwynydd:  Dr Angharad Naylor Mae Dr Angharad Naylor yn Uwch-ddarlithydd yn Ysgol y Gymraeg, Prifysgol Caerdydd. Mae’n Gyfarwyddwr Dysgu ac Addysgu ac yn Diwtor Personol Hŷn.

Mae’r gyfres hon yn esbonio sut mae defnyddio meddalwedd Panopto, gan gynnwys sut i fynd ati i recordio, sut i olygu, sut i rannu’r clipiau fideo ag eraill a sut i ddefnyddio Panopto ar gyfer asesu. Mae'r adnodd yn cynnwys: Cyflwyniad - Cyflwyniad byr ar ffurf fideo yn esbonio beth yw’r meddalwedd recordio Panopto ac ar gyfer beth mae’n cael ei ddefnyddio. Cychwyn arni: Lawrlwytho’r recordydd Panopto -Sut i lawrlwytho’r recordydd Panopto ar gyfer Windows Paratoi eich safle Blackboard - Sut i baratoi eich safle Blackboard ar gyfer defnyddio Panopto (cwrs gwreiddiol a chwrs ultra)  Creu eich recordiad cyntaf - Sut i fynd ati i recordio Golygu syml - Sut i fynd ati i olygu dechrau a diwedd recordiad a thynnu rhan o ganol recordiad Copïo recordiad o un ffolder i un arall - Sut i gopïo recordiad o un ffolder Panopto i un arall Symud recordiad o un ffolder i un arall - Sut i symud recordiad o un ffolder Panopto i un arall Is-deitlau - Sut i olygu neu ddileu’r is-deitlau Gosod y recordiad o fewn strwythur modiwl - Sut i osod dolen i recordiad Panopto o fewn Blackboard (safle yn y wedd wreiddiol) Gosod y recordiad o fewn strwythur modiwl - Sut i osod dolen i recordiad Panopto o fewn Blackboard (safle Ultra) Panopto ar gyfer asesu: Creu ffolder aseiniadau - Sut i greu ffolder aseiniadau o fewn eich safle Blackboard i alluogi myfyrwyr gyflwyno gwaith ar ffurf fideo Uwchlwytho fideo i'r ffolder aseiniadau - Fideo i fyfyrwyr ar sut i uwchlwytho ffeil i’r ffolder aseiniadau Gosod cwis o fewn recordiad - Creu a gosod cwisiau o fewn recordiad - Dogfen Sway Rhannu recordiad gydag eraill - Sut i rannu fideo ag eraill a hawliau gwylio Cyflwynydd: Bethan Wyn Jones Mae Bethan Wyn Jones yn Uwch Dechnolegydd Dysgu ym Mhrifysgol Bangor ac hefyd ar secondiad rhan-amser gyda’r Coleg Cymraeg Cenedlaethol fel technolegydd e-ddysgu. Mae ganddi dros 18 mlynedd o brofiad yn gweithio ym maes e-ddysgu ac yn benodol ar y defnydd o dechnoleg dysgu fel cyfrwng i hyrwyddo darpariaeth cyfrwng Cymraeg o fewn Addysg Uwch.

Mae’r adnodd rhyngweithiol hwn wedi ei gynllunio i roi gwybodaeth am y sgiliau sylfaenol a gwybodaeth sydd eu hangen er mwyn gofalu’n briodol am amrywiaeth eang o anifeiliaid. Mae'r cynnwys wedi ei rannu i gyfres o unedau sy'n canolbwyntio ar grwpiau gwahanol o anifeiliaid. Mae'r unedau yn pwysleisio anghenion rhywogaethau o fewn amrediad o gategorïau. Fel cyfanwaith, mae’r cwrs byr hwn yn cyflwyno agweddau allweddol ar sut i ofalu am anifail, ac yn dangos sut i ddefnyddio’r sgiliau a gwybodaeth angenrheidiol er mwyn cynnal iechyd a lles yr anifail.

Datblygwyd yr adnodd hwn i gyflwyno gwahanol bynciau sy'n ymwneud â iechyd anifeiliaid fferm. Mae'r cynnwys yn gasgliad o fideos, gweithgareddau rhyngweithiol a chwyflwyniadau ar ffurf Pdf/Word. Mae nodiadau athro i gyd-fynd gyda'r pynciau gwahanol.  Cyflwynir drso 20 o bynciau gwahanol  yn cynnwys: Achosion afiechyd mewn anifeiliaid Cynllunio iechyd a bioddiogelwch ar fferm Cloffni mewn gwartheg a defaid Rhoi pigiadau Niwmonia mewn gwartheg a defaid Dosio Ysbaddiad    

20 tiwtorial animeiddiedig ynghyd â gweithgareddau rhyngweithiol i helpu dysgwyr i weld pa sgiliau crefft sydd eu hangen i adeiladu tŷ. Mae'r animeiddiadau wedi rhannu i 4 crefft: Adeiladu sylfeini a waliau, Gwaith saer, Plastro a Peintio ac addurno. Ar gyfer myfyrwyr Adeiladwaith Lefelau 1 a 2. Datblygwyd yr adnodd gan Cwmni Cynnal ar ran Llywodraeth Cymru ac mae'r adnodd hefyd ar gael drwy wefan HWB. 

Adnodd ar gyfer myfyrwyr adeiladu (Lefel 1 a 2) sy’n canolbwyntio ar gyflwyniad a pherthnasedd sgiliau ymarferol, yn benodol gwaith coed a gwaith saer, plastro, bricwaith a pheintio ac addurno. Mae’n pontio’r agendor rhwng tasgau go iawn a gweithgareddau'r ystafell ddosbarth trwy gyfrwng clipiau fideo byrion o gyfweliadau â gweithwyr ifanc yn y diwydiant adeiladu wrth eu gwaith, a chlipiau byrion o dasgau go iawn yn cael eu cyflawni ar y safle adeiladu. Datblygwyd yr adnodd gan Cwmni Cynnal ar ran Llywodraeth Cymru ac mae'r adnodd hefyd ar gael drwy wefan HWB. 

Adnodd i ddysgwyr Cyfnod Allweddol 3 ddarganfod mwy am yrfa yn y sector gofal cymdeithasol (blynyddoedd cynnar). Bydd dysgwyr yn gallu gwylio gweminar ac yn cwblhau llyfr gwaith

Adnodd i ddysgwyr Cyfnod Allweddol 3 ddarganfod mwy am yrfa yn y sector iechyd. Bydd dysgwyr yn gallu gwylio gweminar ac yn cwblhau llyfr gwaith.