Dyma gasgliad o fideos gan staff yn rhannu arferion da o weithredu cofrestru awtomatig, ynghyd â phrofiadau dysgwyr o’r cynllun. Mae cofrestru awtomatig yn arfer sy’n cynyddu ar draws y sector, gyda chefnogaeth ac anogaeth y Coleg Cymraeg, er mwyn hwyluso mynediad myfyrwyr sy’n medru’r Gymraeg at ddarpariaeth cyfrwng Cymraeg. Mae’n golygu bod myfyrwyr sy’n siaradwyr Cymraeg yn cael eu cofrestru ar ddarpariaeth cyfrwng Cymraeg yn awtomatig, yn hytrach nag ar ddarpariaeth cyfrwng Saesneg. Am ragor o wybodaeth a chyngor ar sut i weithredu cofrestru awtomatig, cysylltwch â Swyddog Cangen y Coleg yn eich sefydliad.

Pwrpas y Llawlyfr ydy: rhoi gorolwg o themâu yn Hanes Cymru sy’n plethu gyda chysyniad eangfrydig o ‘Gynefin’, yn arbennig mewn cyswllt â’r Cwricwlwm i Gymru yn y Dyniaethau cyflwyno syniadau a thechnegau i athrawon, disgyblion a myfyrwyr am sut i fynd ati i ymchwilio ‘Cynefin’ o bersbectif hanesyddol. Datblygwyd yr adnodd gan Dr Mari Wiliam, Dr Lowri Ann Rees, a Dr Leona Huey.

Mae’r adnodd hwn yn cynnig argymhellion i diwtoriaid, aseswyr ac ymarferwyr sy’n cyflwyno cymhwyster Lefel 3 Gofal Plant yn ddwyieithog. Ei nod yw cefnogi dysgwyr i gwblhau o leiaf hanner o’u hasesiadau drwy gyfrwng y Gymraeg, gan ddatblygu eu hyder a’u gallu i ddefnyddio’r Gymraeg yn y gweithle. Mae’n cynnwys taenlen sy’n darparu syniadau ar gyfer tasgau asesu crynodol a ffurfiannol, ynghyd ag awgrymiadau ar gyfer elfennau o’r cymhwyster y gall tiwtoriaid ac aseswyr eu targedu drwy’r Gymraeg. Mae’r daenlen yn cynnwys tudalen ar gyfer pob un o’r unedau gorfodol (300, 332, 301, 302 a 303), yn ogystal â thudalennau ar gyfer yr unedau dewisol (304, 305 a 306). Mae modd cael mynediad at ffeithluniau dwyieithog sy’n amlinellu llwybr clir a gweledol ar gyfer cyflawni asesiadau dwyieithog ym maes Gofal Plant. Gellir addasu cynnwys y ffeithluniau i ddiwallu anghenion dysgwyr a gofynion sefydliadau unigol.

Mae’r adnodd hwn yn darparu argymhellion i diwtoriaid, aseswyr ac ymarferwyr sy’n cyflwyno cymhwyster Lefel 3 Iechyd a Gofal yn ddwyieithog. Ei nod yw cefnogi dysgwyr i gyflwyno o leiaf hanner eu hasesiadau drwy gyfrwng y Gymraeg, gan ddatblygu eu hyder a’u gallu i ddefnyddio’r Gymraeg yn y gweithle. Mae’r adnodd yn cynnwys taenlen sy’n cynnig syniadau ar gyfer tasgau asesu crynodol a ffurfiannol, ynghyd ag awgrymiadau ar gyfer elfennau o’r cymhwyster y gall tiwtoriaid ac aseswyr eu targedu drwy’r Gymraeg. Ceir tudalen yn y daenlen ar gyfer pob un o’r unedau hanfodol (Unedau 1–6). Mae modd cael mynediad at ffeithluniau dwyieithog sy’n amlinellu llwybr clir a gweledol ar gyfer cyflawni asesiadau dwyieithog fesul uned ym maes Iechyd a Gofal. Gellir addasu cynnwys y ffeithluniau i ddiwallu anghenion dysgwyr a gofynion sefydliadau unigol.  

Chwilio am fideos neu bosteri i hyrwyddo Lefel A Cymraeg? Dyma fersiynau newydd ar gyfer 2026 - yn cynnwys cyfraniadau gan Doctor Cymraeg, Lili Mai Jones, Francesca Sciarrillo, Gwion Ifan a Sara O'Connor. Addas ar gyfer iaith gyntaf ac ail iaith, gyda deunydd Doctor Cymraeg a Francesca Sciarrillo yn benodol ar gyfer hyrwyddo astudio Lefel A Cymraeg ail iaith.   

Panel o academyddion yn rhannu eu profiadau a’u cyngor ynghylch cyhoeddi academaidd yng nghwmni'r Athro Huw Morgan, Dr Hannah Sams, Dr Sam Parry, Dr Geraint Palmer-Liyu a Dr Rhiannon Marks. Mae’r drafodaeth yn addas i ymchwilwyr sy’n awyddus i ddysgu rhagor am y broses o gyhoeddi eu gwaith. Cynhaliwyd y digwyddiad yn y Llyfrgell Genedlaethol ar 25 Mehefin 2026.

Cyflwyniad i Wasg Prifysgol Cymru gan Uwch Olygydd Comisiynu, Cymraeg a Phynciau Cymreig y wasg, Dr Llion Wigley. Yn y cyflwyniad hwn, ceir trosolwg o gefndir y wasg ynghyd â chanllaw manwl i’r broses o gyflwyno a chyhoeddi cyfrolau.

Cyflwyniad i e-gyfnodolyn academaidd y Coleg Cymraeg, Gwerddon, gan yr is-olygydd, Dr Hywel Griffiths. Mae Gwerddon yn gyfnodolyn mynediad agored sy’n cyhoeddi ymchwil Cymraeg gwreiddiol mewn ystod eang o feysydd academaidd. Ei nod yw symbylu a chynnal trafodaeth academaidd ar draws ystod eang o feysydd, a chreu cronfa o waith ysgolheigaidd at ddefnydd myfyrwyr ymchwil ac academyddion cyfrwng Cymraeg. Mae Gwerddon yn gydnaws â gofynion y Fframwaith Rhagoriaeth Ymchwil (REF) ac yn gweithredu cyfundrefn arfarnu annibynnol yn ogystal ag arddel y safonau golygyddol uchaf. Yn y cyflwyniad hwn, ceir trosolwg o gefndir Gwerddon ynghyd â chanllaw manwl i’r broses o gyflwyno a chyhoeddi erthyglau yn y cyfnodolyn.

Mae Deallusrwydd Artiffisial (DA) yn newid tirwedd addysg uwch yn gyflym. Mae’n dylanwadu ar y ffordd y mae myfyrwyr yn dysgu, sut mae staff yn cynllunio addysgu ac yn asesu, a sut mae sefydliadau’n cefnogi datblygiad academaidd a sgiliau digidol. Er bod DA yn cynnig cyfleoedd sylweddol, mae hefyd yn codi cwestiynau pwysig ynghylch uniondeb academaidd, llythrennedd digidol, tegwch a chynhwysiant. Mae’r adroddiad hwn yn archwilio’r defnydd o Ddeallusrwydd Artiffisial yng nghyd-destun addysg uwch cyfrwng Cymraeg, gan roi sylw arbennig i’r cyfleoedd a’r heriau sy’n wynebu siaradwyr Cymraeg a defnyddwyr ieithoedd lleiafrifol Mae’r adroddiad yn dod â gwaith ymchwil, profion ymarferol ac adborth gan staff a myfyrwyr ynghyd i ddarparu trosolwg o DA a’i oblygiadau i addysg cyfrwng Cymraeg. Amlygir enghreifftiau o arfer da a nodi ffyrdd o hyrwyddo defnydd cyfrifol, moesegol a chynhwysol o DA. Ceir yma ganllawiau ymarferol ar ddewis offer addas, ysgrifennu promptiau effeithiol, gwirio dibynadwyedd a chywirdeb cynnwys a gynhyrchir gan DA, gan fynd i’r afael â materion megis preifatrwydd, rhagfarn a thryloywder. Gobeithiwn y bydd yr adroddiad yn sbardudno trafodaeth, arbrofi a chydweithio ar draws y sector er mwyn sicrhau bod siaradwyr Cymraeg yn gallu manteisio’n deg ar ddatblygiadau DA, gan gefnogi dull dwyieithog, cynhwysol a chyfrifol o ddefnyddio’r technolegau hyn mewn addysg uwch.

Adnodd yw hwn i helpu myfyrwyr a disgyblion TGAU a Lefel Uwch sut i adnabod llinell dop stori newyddion afaelgar. Mae’r adnodd yn un digidol rhyngweithiol lle gall defnyddwyr ddysgu oddi wrth un o newyddiadurwyr gorau Cymru, Will Hayward, yn ogystal â newyddiadurwr digidol Reach, Ben Peris a Golygydd Tafod Prifysgol Caerdydd 2025/26 Hannah Williams. Mae cyfarwyddiadau ar bob cam am sut i ddefnyddio’r adnodd.

Recordiad o weminar a gynhaliwyd ar 3 Mehefin 2026. Cyflwyniad i staff academaidd sy’n awyddus i ddatblygu eu presenoldeb proffesiynol ar LinkedIn. Yn ystod y cyflwyniad byddi di’n dysgu sut i ddefnyddio’r platfform yn effeithiol i: Rwydweithio’n broffesiynol Hyrwyddo digwyddiadau a gweithgareddau Datblygu a chryfhau dy broffil academaidd Meithrin hyder i rannu cynnwys Ymgysylltu â myfyrwyr a phartneriaid Rhannu dy waith Adeiladu a thyfu rhwydweithiau newydd yn dy faes Cyflwynir y gweithdy gan Mari Gwenllian Roberts ac Elinor Churchill o Adran Gyrfaoedd Prifysgol Bangor. Ceir hefyd gyfraniadau gan Dr Miriam Elin Jones o Brifysgol Abertawe, a Dr Gareth Evans-Jones o Brifysgol Bangor yn rhannu arferion da a phrofiadau personol o ddefnyddio LinkedIn yn broffesiynol.  

Cyflwyniad gan Dr Paula Roberts ar sut mae ynni adnewyddol fod o fudd i ffermwyr a chymunedau cefn gwlad Cymru. Mae Paula yn esbonio manteisio ynni solar, hydro, gwynt, ac ailgylchu er mwyn arbed arian i fusnesau amaethyddol a chreu incwm drwy werthu ynni i'r Grid Cenedlaethol. Mae Paula yn gyn-ddarlithydd ym Mhrifysgol Bangor a bellach yn gadeirydd cwmni nid-er-elw, 'Ynni Cymru'.