Mae’r adnodd rhyngweithiol hwn wedi ei gynllunio i roi gwybodaeth am y sgiliau sylfaenol a gwybodaeth sydd eu hangen er mwyn gofalu’n briodol am amrywiaeth eang o anifeiliaid. Mae'r cynnwys wedi ei rannu i gyfres o unedau sy'n canolbwyntio ar grwpiau gwahanol o anifeiliaid. Mae'r unedau yn pwysleisio anghenion rhywogaethau o fewn amrediad o gategorïau. Fel cyfanwaith, mae’r cwrs byr hwn yn cyflwyno agweddau allweddol ar sut i ofalu am anifail, ac yn dangos sut i ddefnyddio’r sgiliau a gwybodaeth angenrheidiol er mwyn cynnal iechyd a lles yr anifail.

Datblygwyd yr adnodd hwn i gyflwyno gwahanol bynciau sy'n ymwneud â iechyd anifeiliaid fferm. Mae'r cynnwys yn gasgliad o fideos, gweithgareddau rhyngweithiol a chwyflwyniadau ar ffurf Pdf/Word. Mae nodiadau athro i gyd-fynd gyda'r pynciau gwahanol.  Cyflwynir drso 20 o bynciau gwahanol  yn cynnwys: Achosion afiechyd mewn anifeiliaid Cynllunio iechyd a bioddiogelwch ar fferm Cloffni mewn gwartheg a defaid Rhoi pigiadau Niwmonia mewn gwartheg a defaid Dosio Ysbaddiad    

20 tiwtorial animeiddiedig ynghyd â gweithgareddau rhyngweithiol i helpu dysgwyr i weld pa sgiliau crefft sydd eu hangen i adeiladu tŷ. Mae'r animeiddiadau wedi rhannu i 4 crefft: Adeiladu sylfeini a waliau, Gwaith saer, Plastro a Peintio ac addurno. Ar gyfer myfyrwyr Adeiladwaith Lefelau 1 a 2. Datblygwyd yr adnodd gan Cwmni Cynnal ar ran Llywodraeth Cymru ac mae'r adnodd hefyd ar gael drwy wefan HWB. 

Adnodd ar gyfer myfyrwyr adeiladu (Lefel 1 a 2) sy’n canolbwyntio ar gyflwyniad a pherthnasedd sgiliau ymarferol, yn benodol gwaith coed a gwaith saer, plastro, bricwaith a pheintio ac addurno. Mae’n pontio’r agendor rhwng tasgau go iawn a gweithgareddau'r ystafell ddosbarth trwy gyfrwng clipiau fideo byrion o gyfweliadau â gweithwyr ifanc yn y diwydiant adeiladu wrth eu gwaith, a chlipiau byrion o dasgau go iawn yn cael eu cyflawni ar y safle adeiladu. Datblygwyd yr adnodd gan Cwmni Cynnal ar ran Llywodraeth Cymru ac mae'r adnodd hefyd ar gael drwy wefan HWB. 

Adnodd i ddysgwyr Cyfnod Allweddol 3 ddarganfod mwy am yrfa yn y sector gofal cymdeithasol (blynyddoedd cynnar). Bydd dysgwyr yn gallu gwylio gweminar ac yn cwblhau llyfr gwaith

Adnodd i ddysgwyr Cyfnod Allweddol 3 ddarganfod mwy am yrfa yn y sector iechyd. Bydd dysgwyr yn gallu gwylio gweminar ac yn cwblhau llyfr gwaith.

17 Mehefin 2021 (9:30-13:00) Cynhadledd yw hon sy’n rhoi llwyfan i wyddonwyr Cymraeg eu hiaith rannu ffrwyth eu hymchwil a, thrwy hynny, feithrin cymdeithas academaidd wyddonol cyfrwng Cymraeg.  Mae’n gyfle i drin a thrafod amrywiol destunau o fewn y gwyddorau. Cynhelir y Gynhadledd yn y Gymraeg ac mae croeso cynnes i bawb sy’n diddori yn y gwyddorau i gofrestru i'r Gynhadledd, boed yn academyddion, fyfyrwyr, aelodau o'r cyhoedd neu ddysgwyr mewn ysgolion a cholegau addysg bellach.

Aeth Gŵyl MAP a'r Gynhadledd Theatr  AR-LEIN eleni! Roedd cyfle i ddangos a thrafod gwaith ymysg myfyrwyr theatr a pherfformio Cymru. Roedd hefyd cyfle i wrando ar actorion, dramodwyr a chyfarwyddwyr theatr yn trafod y flwyddyn ddiwethaf, a cyfle arbennig i edrych ar ddyfodol theatr.  Cafodd ei gynnal ar Zoom, Dydd Mercher 21 Ebrill 2021 (10:00-16:00) Cewch wylio'r sesiwn banel o'r digwyddiad isod:

Cyfres o bedwar gweithdy rhithiol i fyfyrwyr blwyddyn 12, neu flwyddyn gyntaf mewn colegau addysg bellach, sydd â diddordeb mewn Nyrsio, Bydwreigiaeth, Therapi Iaith a Lleferydd, Ffisiotherapi a Fferylliaeth. Dyma gyfle i ddysgu mwy am y swyddi hyn, a'r gwasanaeth iechyd yn gyffredinol, yn ogystal â derbyn cyngor ar sut i ymgeisio'n llwyddiannus. Bydd y gweithdai yn cael eu cynnal yn wythnosol ym mis Mai rhwng 4.30-6.00 pm.  5 Mai 2021 - Taith Iechyd teulu Brynglas (cyflwyniad i'r gwasanaeth iechyd) 12 Mai 2021 - Nyrsio a Bydwreigiaeth 19 Mai 2021 - Therapi Iaith a Lleferydd, Ffisiotherapi a Fferylliaeth 26 Mai 2021 - Sut i ymgeisio'n llwyddiannus ar gyrsiau iechyd I gofrestru, cliciwch isod:

Cynhadledd a gynhaliwyd ar 28 Ebrill 2021 ar gyfer myfyrwyr Seicoleg israddedig ac ôl-raddedig a phynciau cysylltiedig megis iechyd ac addysg. Croesawyd dysgwyr 17-18 oed yn y Gynhadledd.  Roedd cyflwyniadau'r bore yn dilyn themâu: Iechyd a Lles; Iaith, Datblygiad, ac Addysg Sylfeini Seicolegol Darllen, Dr Manon Jones, Prifysgol Bangor Ffactorau sy’n effeithio ar gaffael cyflawn o systemau gramadegol y Gymraeg, Dr Hanna Binks, Prifysgol Aberystwyth Iechyd meddwl rhieni sydd â phlentyn awtistig, Dr Ceri Ellis, Prifysgol Manceinion Dwyieithrwydd ac Anableddau Datblygiadol, Dr Rebecca Ward, Prifysgol Bangor Defnyddio technoleg i gefnogi iechyd a lles cleifion gwledig, Dr Rachel Rahman, Prifysgol Aberystwyth Yn y prynhawn, roedd Panel Gyrfaoedd gyda phobl yn cynrychioli’r gyrfaoedd canlynol: Seicolegydd Addysg       Seicolegydd Clinigol Seicolegydd Dadansoddi Ymddygiad Cymhwysol    Therapydd Iaith a Lleferydd Darlithydd Addysg Uwch Roedd hefyd cyfle i ofyn cwestiynau.

Adnodd i ddysgwyr Cyfnod Allweddol 3 gan Gyrfa Cymru i ddarganfod mwy am yrfa yn y Gwasanaeth Tân. Bydd dysgwyr yn gwylio gweminar ac yn cwblhau llyfr gwaith.

Dyma ddolen i adran benodol ar wefan Gwasanaeth Tân ac Achub Gogledd Cymru sy’n cynnwys adnoddau i gynorthwyo unigolion sy’n dymuno datblygu eu sgiliau Cymraeg. Mae pob rôl o fewn Gwasanaeth Tân ac Achub Gogledd Cymru yn gofyn am lefel o sgil Cymraeg. Fel rhan o’r broses ymgeisio, bydd unigolion yn cael eu hasesu ar eu gallu Cymraeg llafar. Mae’r adnoddau ar y wefan yn cynorthwyo unigolion i baratoi am yr asesiad. Mae’r adnoddau yma’n berthnasol i unigolion sydd â diddordeb mewn cychwyn gyrfa yn y Gwasanaeth Tân ac Achub.