Gwefan sy'n cynnwys fideos a chyfarwyddiadau ysgrifenedig ar sut i gynnal asesiadau ffitrwydd sy'n gysylltiedig ag iechyd, yn unol â Chanllawiau ACSM. Bydd yr adnodd yn ddefnyddiol hyd at lefel 4 yn gyffredinol.

Nod yr adnodd hwn yw darparu cyngor ac arweiniad ar gynnal sgrinio iechyd cychwynnol ac asesiadau ffitrwydd, yn unol â phrotocolau ACSM.

Mae fideo sy'n egluro ac yn dangos y protocol yn ogystal â dogfen ategol yn dangos y protocol mewn fformat ysgrifenedig ar gyfer bob un o'r agweddau canlynol:

1. Sgrinio iechyd
2. Cyfarwyddiadau i'r cyfranogwyr
3. Mesur pwysau gwaed
4. Mesur cyflymder y galon wrth orffwys
5. Mynegai mass y corff (BMI)
6. Cwmpas y wasg a'r cluniau
7. Ffitrwydd cardio anadlol
8. Cryfder yr afael
9. Gwasgu byrfraich
10. Prawf eistedd ac ymestyn

Mae dolen i'r wefan isod:

Bwriad cynllun Doctoriaid Yfory yw cefnogi dysgwyr sydd ym mlwyddyn gyntaf o'u hastudiaethau yn ein colegau Addysg Bellach, ac ym mlwyddyn 12 yn ein hysgolion, sy'n siarad Cymraeg ag sydd am ymgeisio i astudio Meddygaeth yn y brifysgol. 

Mae'r cynllun yn cynnig cefnogaeth arbenigol gan aelodau o staff Prifysgol Caerdydd a Phrifysgol Abertawe sydd ynghlwm â'r broses ymgeisio.  

Gyda chefnogaeth staff y prifysgolion bydd y gweithdai canlynol yn cael eu trefnu: 

• Mawrth: Cyflwyniad, Paned a Chlonc gyda Menai Evans, Sara Whittam, Sara Vaughan. 
• Ebrill: Profiad gwaith gyda Llinos Roberts 
• Mai: Cwricwlwm C21 gyda Rhian Goodfellow a Sut i Ddewis Cwrs gyda Myfyrwyr Meddygol Prifysgol Caerdydd 
• Mai: Astudio drwy gyfrwng y Gymraeg a’r ysgoloriaeth CCC gydag Awen Iorweth ac Alun Owens 
• Mehefin: Ysgrifennu Datganiad Personol 
• Gorffennaf: Llwybrau Amgen gydag Alwena Morgan a [Siwan Iorwerth a Ffraid Gwenllian TBC] 
• Medi: Speed Dating gyda meddygon proffesiynol! 
• Hydref: Sesiwn cwestiwn ac ateb Datganiad Personol
• Tachwedd: Ymarfer MMIs 
• Rhagfyr: Ymarfer MMIs 

Mae'r modiwl ar-lein hwn yn edrych ar bwysigrwydd sgiliau da yn y Gymraeg wrth fynd i’r byd gwaith. Mae’n ystyried yn benodol beth yw manteision parhau i astudio’r Gymraeg ar ôl TGAU. Mae’r modiwl wedi ei anelu yn bennaf at ddisgyblion a myfyrwyr mewn ysgolion, colegau addysg bellach a phrifysgolion. Gall hefyd fod o ddefnydd i unrhyw un sydd eisiau dysgu am le a statws y Gymraeg yn y Gymru gyfoes a sut gallwn ni gyd wneud cyfraniad i nod Llywodraeth Cymru o gyrraedd miliwn o siaradwyr erbyn 2050.

Mae Pod Jomec Cymraeg yn gyfres o bodlediadau gan fyfyrwyr Ysgol Newyddiaduraeth, Cyfryngau a Diwylliant Prifysgol Caerdydd. Yn y gyfres mae myfyrwyr yn siarad gydag enwau adnabyddus o'r byd newyddiadurol a chyfathrebu. Mae'r pods yn addas ar gyfer myfyrwyr ac i bobl sydd gyda diddordeb cyffredinol yn y maes.

Yn y gyfres, fe fydd myfyrwyr a thîm dysgu JOMEC yn edrych ar bob agwedd o newyddiaduraeth a chyfathrebu yng Nghymru. Ym mhob podlediad bydd un o’n myfyrwyr yn sgwrsio gyda rhywun sy’n gweithio yn y maes - o gyngor gyrfa i holi barn am bynciau llosg y dydd.

Mae "Cyflwyniad i Ieithyddiaeth" yn gyflwyniad i hanfodion Ieithyddiaeth ar gyfer myfyrwyr sydd heb gefndir, neu heb fawr o gefndir, mewn astudio iaith a phynciau ieithyddol (e.e seiniau iaith, morffoleg a chystrawen, ystyr, amlieithrwydd a sosioieithyddiaeth).

Bydd y gweithdy hwn o fudd i unrhyw un sydd am ddatblygu ac adeiladu ar ddulliau addysgu ar-lein, dysgu arloesol, cyflwyno ar-lein ac ymgysylltu gyda myfyrwyr.
    
Amcanion y gweithdy

• Mabwysiadu sgiliau addysgu effeithiol ar-lein 
• Cyflwyno yn effeithiol trwy Microsoft Teams
• Arwain gweithgareddau gwaith grwp yn ystod seminarau ar-lein

Cynnwys y gweithdy (cyfres o 3 cyflwyniad fideo isod)

• Cyflwyniad 1 - Cyfathrebu gyda myfyrwyr trwy Teams
• Cyflwyniad 2 - Addysgu ar-lein trwy Teams
• Cyflwyniad 3 - Grwpiau Trafod yn Teams

Ar ddiwedd y gweithdai hyn dylai hyfforddeion fod yn:

• gyfforddus wrth addysgu ar-lein
• hyderus wrth arwain gweithgareddau a thasgau ar-lein
• gyfforddus wrth ddefnyddio’r holl offer o fewn rhaglen Teams

Cefndir y Cyflwynydd

Astudiodd Dyddgu gwrs ‘BSc (Anrh.) Dylunio a Thechnoleg Addysg Uwchradd yn arwain at Statws Athro Cymwysedig’ ym Mhrifysgol Bangor, graddiodd gyda gradd dosbarth cyntaf. Bu’n ddarlithydd a thiwtor pwnc Dylunio a Thechnoleg Lefel A yng Ngholeg Meirion Dwyfor, cyn cael ei phenodi’n athrawes Dylunio a Thechnoleg yn Ysgol Gyfun Rhydywaun. Mae wrth ei bodd yn gweithio fel uwch ddarlithydd Addysg ym Mhrifysgol Metropolitan Caerdydd erbyn hyn, ac yno ers dros saith mlynedd bellach, gyda’i arbenigedd mewn defnydd effeithiol o ddulliau addysgu, ymgysylltu a myfyrwyr a’r defnydd o dechnoleg.

Beth bynnag eich pynciau Lefel A, neu os ydych yn ddisgybl Bl12 neu Bl13, os oes diddordeb gennych astudio neu gael blas ar y Gyfraith neu Droseddeg (Criminology) fel pynciau prifysgol, byddai'n werth i chi fwrw golwg ar y sesiynau blasu isod.

Cynhaliwyd y Gweithdai wythnosol rhwng 7.00-7.40pm bob nos Fercher gan ddechrau ar nos Fercher 4 Tachwedd 2020. Roedd darlithydd gwahanol o brifysgol gwahanol yn rhoi cyflwyniad 20 munud ac yna sesiwn drafod am 20 munud ar thema gyfreithiol neu droseddeg.

• 4 Tachwedd  - 'Revenge Porn a'r Gyfraith' - Dr Hayley Roberts, Prifysgol Bangor
• 11 Tachwedd - 'Dal y Lleidr' - Holly Evans, Prifysgol De Cymru
• 18 Tachwedd - Troseddeg Werdd - pwysigrwydd achosion o ‘niwed amgylcheddol,’ yn erbyn cyfraith amgylcheddol' - Dr Lowri Cunnington Wynn, Prifysgol Aberystwyth 
• 25 Tachwedd - '"Cofio dy Wyneb": Yr Hawl i Breifatrwydd ac Offer Adnabod Wynebau, Achos Bridges a'r heddlu'n recordio wynebau mewn torfeydd' - Dr Huw Pritchard, Prifysgol Caerdydd
• 2 Rhagfyr- 'Sesiwn Sgiliau Allweddol ar gyfer astudio'r Gyfraith - cyfathrebu, dadansoddi, ymchwilio, perswadio' - Trilby James, Prifysgol Abertawe
• 9 Rhagfyr-  Rhyddid neu iechyd?  Hawliau dynol yn ystod Cyfnod Cloi C-19 - Emyr Lewis, Pennaeth Ysgol y Gyfraith, Prifysgol Aberystwyth

Mae modd clicio ar y dolenni isod i weld recordiadau o'r sesiynau.

Nod yr ap hwn yw cefnogi dysgywr a gweithwyr ym maes Gwasanaethau Cyhoeddus i ddefnyddio'r Gymraeg gyda'r cyhoedd. 

Mae’r geirfa sy’n cael ei ddefnyddio o fewn yr ap yn cyd-fynd gyda’r eirfa ar fanyleb Pearson BTEC Lefel 3 Diploma Estynedig Gwasanaethau Cyhoeddus.

Mae'r ap yn cynnwys clipiau sain o dermau a geirfa defnyddiol i helpu defnyddwyr gyda ynganu geirfa, ynghyd â cwisiau rhyngweithiol i brofi gwybodaeth. 

Astudiaethau Busnes (L3): sesiynau dysgu cyfunol

30 o sesiynau dysgu cyfunol ar gyfer dysgwyr sy’n astudio cwrs Astudiaethau Busnes (lefel 3).

Mae modd gweld y sesiynau yn eich porwr drwy ddilyn y dolenni isod. Mae hefyd modd i golegau lawrlwytho'r cynnwys er mwyn eu gosod o fewn eu llwyfannau dysgu lleol. Mae'r ffeil zip yn cynnwys ffeiliau SCORM ar gyfer yr holl unedau.

Mae cynnwys y sesiynau hyn yn ddwyieithog, ond dim ond yn Gymraeg mae modd ateb y cwestiynau. 

Hawlfraint Heart of Worcestershire College ar ran The Blended Learning Consortium a’r Coleg Cymraeg Cenedlaethol. Mae’r adnoddau hyn i gael eu defnyddio mewn sefydliadau addysgiadol yn unig ac ni ddylid eu haddasu na’u hailwerthu.

Anatomeg a Ffisioleg (L3): sesiynau dysgu cyfunol

30 o sesiynau dysgu cyfunol ar Anatomeg a Ffisioleg ar gyfer dysgwyr sy’n astudio cwrs Chwaraeon (lefel 3).

Mae modd gweld y sesiynau yn eich porwr drwy ddilyn y dolenni isod. Mae hefyd modd i golegau lawrlwytho'r cynnwys er mwyn eu gosod o fewn eu llwyfannau dysgu lleol. Mae ffeil zip yma yn cynnwys y ffeiliau SCORM ar gyfer yr holl unedau.

Mae cynnwys y sesiynau hyn yn ddwyieithog, ond dim ond yn Gymraeg mae modd ateb y cwestiynau. 

Hawlfraint Heart of Worcestershire College ar ran The Blended Learning Consortium a’r Coleg Cymraeg Cenedlaethol. Mae’r adnoddau hyn i gael eu defnyddio mewn sefydliadau addysgiadol yn unig ac ni ddylid eu haddasu na’u hailwerthu.

Dyma wefan rhyngweithiol sy'n adnodd defnyddiol i ddarpar newyddiadurwyr ar ohebu ar Covid-19. Mae'n cynnwys gwybodaeth ar sut mae'r newyddion yn cael ei greu yn ystod y pandemig a gwybodaeth ar y galw am newyddion dibynadwy yn ystod yr argyfwng. Mae yma hefyd ganllaw ar ba Lywodraeth sy'n gyfrifol am beth wrth ymateb i Covid-19. Yn ogystal, mae'n cynnwys fideos i'w gwylio a cwis.

Mae'r adnodd yma yn un o dri a chyrhaeddodd y rhestr fer yn 2020 ar gyfer gwobrau'r Coleg Cymraeg Cenedlaethol am greu Adnodd Cyfrwng Cymraeg.

Mae'r cyrsiau byr yma ar gyfer prentisiaid sydd â rhywfaint neu ddim sgiliau iaith Gymraeg. Maent yn galluogi prentisiaid i gwblhau rhywfaint o'u cwrs yn Gymraeg. Mae'r pecyn cyffredinol yn cyflwyno pwysigrwydd yr iaith Gymraeg fel sgil ar gyfer y gweithle. Mae’r pecyn hefyd wedi cael ei addasu ar gyfer pedwar llwybr galwedigaethol penodol: iechyd, gofal plant, amaethyddiaeth ac adeiladwaith.

Mae’r cyrsiau hyn hefyd ar gael drwy byrth dysgu y prif ddarparwyr prentisiaethau yng Nghymru ac mae modd i ddarparwyr lawrlwytho'r cynnwys fel ffolder zip i fedru gwneud hyn. 

Gellir lawr-lwytho tystysgrifau i gyd fynd â'r unedau isod:

Tystysgrif (cyffredinol)

Tystysgrif (yn cynnwys blwch ar gyfer pa faes)