Casgliad o adnoddau i gefnogi addysgwyr sy’n dymuno cyflwyno mwy o Gymraeg wrth addysgu'r cwrs Lefel 2 Gofal, Chwarae, Dysgu a Datblygiad Plentyn: Craidd yw’r adnodd hwn. Mae'r casgliad wedi'i greu er mwyn cefnogi addysgwyr wrth iddynt gynllunio a gosod gweithgareddau gwaith dosbarth neu dystiolaeth yn seiliedig ar sgiliau Cymraeg y dysgwyr. Mae’r casgliad yn cynnwys: • canllaw er mwyn esbonio sut mae defnyddio’r adnodd. • dogfennau 'Mapio’r Cyfleoedd i gyflwyno’r Gymraeg' fesul uned craidd. • posteri dwyieithog gyda thermau allweddol ar gyfer pob uned. • adnodd sy’n darparu syniadau i ddysgwyr er mwyn ddefnyddio’r Gymraeg ar leoliadau gwaith.  

Casgliad o adnoddau i gefnogi addysgwyr sy’n dymuno cyflwyno mwy o Gymraeg wrth addysgu'r cwrs Lefel 2 Iechyd a Gofal Cymdeithasol: Craidd yw’r adnodd hwn. Mae'r casgliad wedi'i greu er mwyn cefnogi addysgwyr wrth iddynt gynllunio a gosod gweithgareddau gwaith dosbarth neu dystiolaeth yn seiliedig ar sgiliau Cymraeg y dysgwyr. Mae’r casgliad yn cynnwys: • canllaw er mwyn esbonio sut mae defnyddio’r adnodd. • dogfennau 'Mapio’r Cyfleoedd i gyflwyno’r Gymraeg' fesul uned craidd. • cyfres o dasgau sy’n cwrdd â gofynion rhai o feini prawf penodol y cwrs. Maent yn dangos sut mae modd cael pob dysgwr i gyflawni’r un dasg, wrth ddatblygu eu sgiliau Cymraeg ar lefelau unigol a phriodol. • posteri dwyieithog gyda thermau allweddol ar gyfer pob uned. • adnodd sy’n darparu syniadau i ddysgwyr er mwyn ddefnyddio’r Gymraeg ar leoliadau gwaith.

Mae gofal cwsmer gwych yn rhan annatod o weithio mewn sawl maes ond yn enwedig ym maes lletygarwch. Ceir isod fideo sy'n cyflwyno 8 awgrym ar gyfer cynnal gwasanaeth cwsmer lletygarwch ardderchog. Yn ogystal, mae fideo sy'n cyflwyno cwmni Hyfforddiant Cambrian i’r prentis ac yn amlinellu’r ystod o wasanaethau sydd ar gael. Datblygwyd yr adnoddau isod gan Hyfforddiant Cambrian dan nawdd y Coleg Cymraeg Cenedlaethol. Gellir ystyried y cynnwys hwn yn arfer da a gall y cyflwyniadau fod o ddefnydd i ddarparwyr prentisiaethau o fewn meysydd eraill.

Wrth astudio Celf a Dylunio ar gyfer Safon Uwch Gyfrannol a Safon Uwch bydd y myfyriwr angen dod o hyd i ystyr geiriau arbenigol a darganfod mwy am fudiadau celf. Mae'r Geiriadur Celf wedi ei lunio ar gyfer ateb y gofyn hwn. Mae'n cynnwys esboniadau clir a chynhwysfawr ar gyfer cofnodion sy'n allweddol ar gyfer myfyrwyr Celf a Dylunio yng Nghymru.

Adnodd ar-lein yw Bocsgolau, wedi’i ddylunio ar gyfer athrawon a myfyrwyr celf, crefft a dylunio i gefnogi amcanion rhaglenni celf a dylunio CBAC ac Eduqas. Anela i ddarparu mewnwelediadau o bersbectif addysg i ymarfer cyfoes celf, crefft a dylunio, y diwydiannau creadigol a’r tirlun newid gyrfaoedd o’r 21ain ganrif. Ceir dolenni at wefannau ymarferwyr, sefydliadau creadigol, galerïau ac amgueddfeydd, asesiad a ffynonellau o gyngor gyrfaoedd.

Clipiau fideo yn trafod gwahanol agweddau ar Amaethyddiaeth. Addas ar gyfer hyd at Lefel 4.  

Adnodd ar gyfer myfyrwyr Amaeth sydd yn astudio cymhwyster lefel 2, ac yn canolbwyntio ar iechyd a diogelwch, gwaredu gwastraff ar y fferm, a’r defnydd o offer ar y fferm. Mae’r adran iechyd a diogelwch yn cynnwys cyflwyniadau PowerPoint a Word sydd yn cynnwys dogfennau ar asesiadau risg, peryglon a ‘manual handling’. Mae’r adran gwastraff fferm yn cynnwys chwech dogfen Word sydd yn gysylltiedig â gwaredu gwastraff ar y fferm. Yn y pecyn defnyddio offer fferm ceir cyflwyniad PowerPoint a dogfennau Word y gellir eu defnyddio a’u haddasu ar gyfer cynllunio taflenni gwaith i’r ystafell ddosbarth.

Adnodd digidol a gynhyrchwyd gan Tinopolis a Choleg Sir Gar. Wrth ddefnyddio’r adnodd hwn, rhoddir profiad ‘real’ i’r myfyrwyr i gyflawni tasgau yn cynnwys: - Cwblhau dogfennau er mwyn danfon gwartheg i’r lladd-dy neu ŵyn i’r farchnad - Cwblhau ffurflenni TAW ar lein - Amryw o ddogfennau rheoli busnes sydd yn ymwneud â rhedeg mentrau fferm - Cofrestru llo newydd anedig gyda SOG ar lein - Paratoi’r fferm gyda’r gwaith papur angenrheidiol ar gyfer ymweliad Gwarant Fferm. Mae cynnwys yr adnodd yn briodol iawn ar gyfer unedau anifeiliaid fferm a rheoli busnes ar lefel 2 a 3.

24 o glipiau fideo a gynhyrchwyd gan gwmni Telescop. Maent yn 5 i 8 munud o hyd, ac yn cynnwys milfeddygon, darlithwyr ac arbenigwyr yn trafod egwyddor benodol neu yn arddangos sgil. Maent yn addas iawn ar gyfer rhai o’r unedau sydd yn cael eu dysgu fel rhan o’r cwrs Lefel 3 (BTEC a City & Builds), sef: - Cynhyrchiant defaid - Cynhyrchiant bîff - Llaethydda - Cynhyrchiant Porfa - Peirianneg amaethyddol - Sgiliau cynnal ystadau - Rheolaeth moch a ieir - Iechyd anifeiliaid fferm Gellir defnyddio’r clipiau er mwyn arddangos sgil penodol ac yna trin a thrafod hyn gyda’r myfyrwyr o fewn yr ystafell ddosbarth cyn cwblhau taflen waith. Mae nifer o’r clipiau yn rhoi sylfaen dda i’r myfyrwyr cyn iddynt fynd allan i ymarfer y sgil.

Adnoddau Amaethyddiaeth ôl-16 ar Hwb, platfform digidol dysgu ac addysgu Llywodraeth Cymru.

Gwefan ddwyieithog gyda gwybodaeth ac adnoddau cyffredinol ar gyfer y diwydiant adeiladu. Ariennir gan lefi CITB.

Ydych chi'n credu nad oes angen mathemateg arnoch wrth adeiladu? Meddyliwch eto - mae mathemateg ymhob man! Pryd oedd y tro diwethaf i chi fesur hyd darn o bren? Pa mor aml rydych chi'n amcangyfrifo cost deunyddiau? Ydych chi erioed wedi rhannu teils yn ddarnau hafal neu'n gymarebau? Yn cael ei gyflwyno gan Fwrdd Hyfforddi'r Diwydiant Adeiladu (CITB), bydd Adeiladu gyda Mathemateg yn gwella eich sgiliau mathemateg wrth i chi weithio tuag at Lefel 1. Gydag enghreifftiau adeiladu ymarferol, byddwch hefyd yn gweld sut bydd y fathemateg rydych yn ei dysgu o fudd i chi yn eich gwaith beunyddiol. Wedi i chi orffen y cwrs byddwch hefyd yn derbyn tystysgrif Adeiladu gyda Mathemateg i ddangos eich bod wedi cwblhau'r cwrs yn llwyddiannus! Bydd cyfrif CITB Apprenticeships er mwyn mewngofnodi. Mae fersiwn Saesneg o'r cwrs ar gael yn https://learn.citb.co.uk/courses/course-v1:CIT+CIT001+2017/about